ԱՄՆ-ում նավթի կոմերցիոն պաշարները շաբաթվա ընթացքում ավելացել են 0,3 միլիոն բարրելով կամ 0,1%-ով` հասնելով 339,2 միլիոն բարրելի` բացառությամբ ռազմավարական պաշարների: Այս վիճակագրությունը շաբաթական ամփոփման մեջ հրապարակել է երկրի էներգետիկայի նախարարությունը:

Այդ ցուցանիշն ավելի քիչ էր վերլուծաբանների կանխատեսումներից, որոնք ակնկալում էին 0,8 միլիոն բարրելի աճ:

Բենզինի ընդհանուր պաշարներն աճել են 1,6 մլն բարրելով կամ 0,7%-ով և կազմել 231,8 միլիոն բարրել: Զտված պաշարներն ավելացել են 1,2 միլիոն բարրելով կամ 0,8%-ով` կազմելով 146,6 միլիոն բարրել:

ԱՄՆ էներգետիկայի նախարարության էներգետիկ տեղեկատվության վարչության շաբաթական տվյալները նավթահումքի, բենզինի, զտված նավթի և վառելիքային նավթի պաշարների մասին կարևոր ցուցանիշ են, որն ազդում է ամբողջ աշխարհում վառելիքի և էներգակիրների գնային տատանումների վրա: