Իսրայելի ԱԳՆ ղեկավար Ավիգդոր Լիբերմանը հաջորդ շաբաթ հանդիպելու է Վրաստանի ԱԳ նախարար Գրիգոլ Վաշաձեի հետ, որը պաշտոնական այցով ժամանելու է Իսրայել:
Երեկ երեկոյան Լիբերմանը զրուցել է Հնդկաստանի և Վրաստանի դեսպանների հետ: Նրա խոսքով, կատարված դեպքերը չեն ընկճել նրանց բարոյական ոգին, այլ ամրապնդել են իրենց պարտականությունները կատարելոււ վճռականությունը:
Երեկ Հնդկաստանի ԱԳՆ ղեկավար Սոմանահալլի Մալաիա Քրիշնան զանգահարել է Լիբերմանին Նյու Դելիում տեղի ունեցած ահաբեկչության առիթով իր հուզումը հայտնելու համար:
Նյու Դելիում և Թբիլիսիում Իսրայելի դեսպանների վրա հարձակման հետևանքով աշխարհի բոլոր իսրայելական ներկայացուցչություններում անվտանգությունը հասել է ամենաբարձր մակարդակի:
Իսրայելական ԶԼՄ-ներում տված հարցազրույցում Լիբերմանը հայտարարել է, որ հայտնի է, թե ով է կանգնած Դելիի և Թբիլիսիի ահաբեկչությունների ետևում, և Իսրայելն անպատասխան չի թողնի այդ գործողությունները:
