Apple Inc-ը Նյու Յորք քաղաքի սնանկության մասին գործերով դատարան է դիմել Eastman Kodak-ի դեմ դատական հայց ներկայացնելու թույլտվություն ստանալու համար` ընկերությանը մեղադրելով պատենտային իրավունքների խախտման մեջ:
Հայտարարության մեջ ասվում է, որ Apple-ը մտադիր է դատական կարգով հասնել ոչ ամենալավ ժամանակներն ապրող ֆոտոտեխնիկայի արտադրողի տարբեր սարքերի, այդ թվում` պրինտերների և թվային տեսախցիկների ներկրման արգելմանը: Apple-ը հաղորդել է նաև, որ պատրաստվում է Kodak-ի դեմ դատական հայց ներկայացնել Միջազգային առևտրի հանձնաժողով և Մանհեթենի դաշնային դատարան:
Սա ընկերությունների միջև առաջին դատաքննությունը չէ. հունվարին Kodak-ը դատական հայց ներկայացրեց Apple-ի դեմ` վերջինիս մեղադրելով թվային տեսախցիկների պատենտների խախտման մեջ: Հիշեցնենք, որ XIX դարի վերջին հիմնադրված Kodak-ը, որը ժամանակին ֆոտոտեխնիկայի արտադրողների շուկայի առաջատարն էր, 2012թ. հունվարին հայտարարեց իր սնանկացման մասին:
