Ռուսական Аstravel ընկերությունը վերսկսել է զբոսաշրջային տուրերը Լեռնային Ղարաբաղ: Սա արդեն առաջին անգամը չէ, որ ընկերությունը ուղևորություններ է կազմում Արցախ, ինչը, բնականաբար, «դժգոհության» հերթական ալիքն է առաջացրել Բաքվում, որը իրեն իրավասու է համարում միջամտելու Արցախի ներքին գործերին:
«Լեռնային Ղարաբաղ ուևորությունների կազմակերպման մասին տեղեկատվությունը սադրիչ բնույթ է կրում: Ընկերությունն առաջին անգամը չէ, որ նման տուրեր է կազմակերպում: Նախորդ անգամ համապատասխան մարմինների ջանքերի շնորհիվ ուղևորությունները չեղյալ հայտարարվեցին: Այս անգամ, հավանաբար, նմանատիպ միջոցներ կձեռնարկվեն: »,-ասել է Ադրբեջանի ԱԳՆ մամլո ծառայության ղեկավար Էլման Աբդուլլաևը:
Ռուսական զբոսաշրջային Astravel ընկերությունը պատմամշակութային ուղևորություններ է կազմակերպում Հայաստան ու Արցախ: Այդ մասին հայտարարությունն ընկերությունը զետեղել է իր կայքում:
Astravel ընկերությունը գործում է 1992թ.:
