ՀՀ պաշտպանության նախարարություն. Ադրբեջանը պատասխան կտա հայ զինծառայողի սպանության համար
Հայաստանի պաշտպանության նախարարի մամլո քարտուղար Դավիթ Կարապետյանը մեկնաբանել է փետրվարի 23-ին ՀՀ Զինված ուժերի ժամկետային զինծառայող Ալբերտ Ադիբեկյանի մահը հակառակորդի դիպուկահար գնդակից:
«Ադրբեջանի Զինված ուժերի դիպուկահարների սադրանքը, որի հետևանքով փետրվարի 23-ին զոհվել է ՀՀ Զինված ուժերի ժամկետային զինծառայող Ալբերտ Ադիբեկյանը, ստանալու է իր պատասխանը, և Ադրբեջանի Զինված ուժերի հրամանատարական կազմը ստիպված է լինելու պատասխանատվություն ստանձնել իր իսկ գործողությունների համար»,- ընդգծել է Կարապետյանը:
