Դավիթ Նալբանդյանը, ով Բուենոս Այրեսի АТР Copa Claro մրցաշարի երկրորդ շրջանի երկու սեթերում հաղթանակ է տարել Խուան Մոնակոյի նկատմամբ, ասել է, որ Մոնակոյի հետ իր հանդիպումները լարված են անցնում:
«Լարվածություն լինում է նաև այն պատճառով, որ երկուսս էլ խաղում ենք տանը: Այս անգամ ես վատ չսկսեցի հանդիպումը, իսկ Խուանը թույլ տվեց մի քանի սխալներ: Դրա շնորհիվ, ես հենց ամենասկզբից նախաձեռնությունը վերցրի ձեռքս»,-ասել է Նալբանդյանը АТР պաշտոնական կայքին:
Մրցաշարի քառորդ եզրափակչում Նալբանդյանը կհանդիպի մեկ այլ արգենտինացի թենիսիստ` Կառլոս Բեռլոյի հետ, ով նախօրեին հաղթանակ էր տարել ֆրանսիացի Ժիլ Սիմոնի նկատմամբ: Արգենտինացի թենիսիստները պաշտոնապես հանդիպել են երկու անգամ, որոնցից երկուսում էլ հաղթանակ է տարել Նալբանդյանը: