Ճգնաժամը ԵՄ-ում չի անդրադառնա գործընկեր երկրների հետ ծրագրերի և նախագծերի ֆինանսավորման վրա: Այդ մասին հայտնել է ընդլայնման և Եվրոպական հարևանության քաղաքականության հարցերով եվրահանձնակատար Շտեֆան Ֆյուլեն:
Եվրահանձնակատարը հայտնել է, որ Եվրամիությունը ոչ միայն չի կրճատի, այլև ծրագրում է 130 մլն եվրոյով ավելացնել «Արևելյան գործընկերության» անդամ երկրների ֆինանսավորումը 2012-2013 թվականներին:
«Արևելյան գործընկերություն» նախագիծը, որը ստեղծվել է Եվրոպական միության կողմից, ներկայացվել է Լեհաստանի ԱԳՆ ղեկավարի կողմից Շվեդիայի մասնակցությամբ 2008-ին ընդհանուր հարցերի և արտաքին կապերի վերաբերյալ ԵՄ խորհրդում: «Արևելյան գործընկերության» գլխավոր նպատակը 6 հետխորհրդային երկրների` Հայաստանի, Ադրբեջանի, Վրաստանի, Մոլդովայի, Ուկրաինայի և Բելառուսի մերձեցումն է ԵՄ հետ: