ԱՄՆ ռազմաօդային ուժերը պատրաստ են հարված հասցնել Իրանի միջուկային օբյեկտներին, եթե Թեհրանի միջուկային շահերը սանձելու դիվանագիտական ջանքերը ապարդյուն լինեն: Այդ մասին այսօր լրագրողներին է հայտնել ՌՕՈՒ շտաբի պետ, գեներալ Նորտոն Շվարցը, հաղորդում է ԻՏԱՐ-ՏԱՍՍ-ը: Նրա խոսքով` Պենտագոնը բավականաչափ հզոր ավիառումբեր ունի, որոնք ընդունակ են ավիրել ստորգետնյա ապաստարաններն ու մյուս ամրացված օբյեկտները, և «նման զինամթերքի արդիականացման աշխատանքները շարունակվում են»: «Մենք ունենք մարտական կիրառության այդպիսի միջոցներ, և ես ձեզ չէի ցանկանա հայտնվել այնտեղ (Իրանում), երբ մենք գործի դնենք այդ միջոցները»,- ասել է գեներալը: