Մարտի 1-ին Հայաստանի Ազգային օլիմպիական կոմիտեն և Հայաստանի սպորտային լրագրողների ֆեդերացիան կազմակերպել են հանդիպում Հայաստանի ազատ ոճի և հունահռոմեական ըմբշամարտի հավաքականների ներկայացուցիչների հետ:
Ընբշամարտի ֆեդերացիայի գլխավոր քարտուղար Բազմասեր Առաքելյանն ասել է, որ հավաքականները մանրակրկիտ կերպով պատրաստվում են ամառային Օլիպիական խաղերին, որոնք տեղի կունենան Լոնդոնում:
«Մեր ըմբիշները մասնակցում են զանազան միջազգային մրցաշարերի, որոնք նրանց մեծ փորձ են տալիս: Բացի այդ, բոլոր ուսումնամարզական հավաքները լավ են անցնում և մրցաշարերին մեր մարզիկները հաջող են հանդես գալիս»,-ասել է Առաքելյանը:
Ըստ նրա, Հայաստանում ըմբշամարտով զբաղվում է մոտ 5000 մարզիկ: Սակայն ֆեդերացիայի համար կարևոր է այն, որ վերջին ժամանակներս ըմբշամարտի աշխարհագրությունը ընդլայնվել է և արվում է ամեն ինչ, որպեսզի Հայաստանի մարզերում հնարավորինս շատ երեխաներ զբաղվեն ըմբշամարտով:
