ՀՀ գիտությունների ազգային ակադեմիան երիտասարդ գիտնականների համար սահմանում է «Ակադեմիա» ամենամյա մրցույթը։ Այս մասին տեղեկացնում են ՀՀ ԳԱԱ մամլո ծառայությունից։
Մրցույթին կարող են մասնակցել ՀՀ քաղաքացիություն ունեցող մինչև 35 տարեկան անձինք, ովքեր աշխատում են Հայաստանի որևէ գիտական կամ կրթական հաստատությունում և կներկայացնեն Ազդեցության գործակից ունեցող ամսագրերում տպագրված իրենց գիտական հոդվածները:
Հաղթող կճանաչվի գումարային ամենաբարձր Ազդեցության գործակից ունեցող հոդվածների հեղինակը`ով կպարգևատրվի 750,000 ՀՀ դրամով և ՀՀ ԳԱԱ դիպլոմով։ Այս տարի մրցույթն անցկացվում է ֆիզիկայի ոլորտի մասնագետների համար:
Փաստաթղթերի ներկայացման վերջնաժամկետը մինչև մարտի 31-ն է: Արդյունքները կամփոփվեն մինչև 2012թ. ապրիլի 30-ը: Մրցույթն իրականացնում է «Գիտության զարգացման հիմնադրամը»: