Երևանում Հայկական բանակի 20-ամյակի տոնակատարության շրջանակներում մեկնարկել է գիտաժողով
Այսօր Մխիթար Հերացու անվան Երևանի պետական բժշկական համալսարանում Հայկական բանակի 20-ամյակի տոնակատարության շրջանակներում կայացել է գիտաժողովի բացում՝ նվիրված ռազմական բժշկությանը:
Միջոցառմանը ներկա են եղել ՀՀ ԱԺ նախագահ Սամվել Նիկոյանը, ՀՀ պաշտպանության նախարար Սեյրան Օհանյանը, «Երկրապահ» կամավորական շարժման նախագահ Մանվել Գրիգորյանը, ինչպես նաև հայկական բանակի գեներալներ, ռազմական բժիշկներ:
«Զինվորական բժիշկները հսկայական ավանդ են ունեցել Հայաստանի ազգային բանակի զարգացման մեջ ինչպես արցախյան պատերազմի տարիներին, այնպես էլ դրանից հետո»,- ասել է Սեյրան Օհանյանը:
Նախարարը խրախուսական շքանշաններ է հանձնել արցախյան պատերազմի մասնակից բժիշկներին, նրանց շարքում են՝ Արտյոմ Թադևոսյան, Հայրապետ Գալստյան, Գուրգեն Հովհաննիսյան և այլք:
