ՀՀ տրանսպորտի և կապի նախարարությունը հայտնում է, որ մարտի 6-ի` ժամը 17.45-ի դրությամբ` միջպետական, հանրապետական ճանապարհներն ու լեռնանցքները հիմնականում երթևեկելի են:
Սաստիկ բուքի և վատ տեսանելիության պատճառով դժվարանցանելի են Աշոցք-Բավրա, Արթիկ-Մարալիկ, Արթիկ-Մանթաշ-Ալագյազ, Ապարան-Ալագյազ ճանապարհահատվածները և Ծաղկաձորի հատվածը:
Դեռևս շարունակում են փակ մնալ Բերդ-Ճամբարակ ճանապարհահատվածը և Սելիմի լեռնանցքը: Փակ է նաև Քաջարան-Մեղրի ավտոճանապարհը: Վարորդներին խորհուրդ է տրվում երթևեկել Կապան-Շվանիձոր-Մեղրի ավտոճանապարհով:
Կատարվում են մաքրման և մշակման ինտենսիվ աշխատանքներ:
Նախարարությունը խորհուրդ է տալիս վարորդներին երթևեկել ձմեռային անվադողերով: