Ադրբեջանցի հաքերները հերթական հարձակումն են գործել հայկական կայքերի վրա։ Այս մասին PanARMENIAN.Net-ի թղթակցին տեղեկացրեց տեղեկատվական անվտանգության մասնագետ Սամվել Մարտիրոսյանը։
Նրա խոսքով, հարձակման ենթարկված կայքերի շարքում են՝ Արարատյան թեմի, «Վալեքս Գրուփ» ընկերության, Գավառի պետական համալսարանի, Խոսքի ազատության պաշտպանության կոմիտեի և մի շարք այլ կայքեր։
Ինչպես գրում է ադրբեջանական aze.az-ը, հաքերները կոտրել են նաև Հայաստանի կառավարական որոշ կայքեր։ Սակայն Սամվել Մարտիրոսյանի խոսքով, այս ինֆորմացիան չի համապատասխանում իրականությանը։
ՏԱ մասնագետը նաև նշեց, որ կոտրած կայքերում ադրբեջանցիները տեղադրել են Ռամիլ Սաֆարովի և մի քանի այլ ադրբեջանցի «հերոսների» նկարներ։