Անդրկովկասում սպառազինությունների մրցավազքը ժամանակի և իրավիճակի շարունակական անկայունության նշան է, այդ մասին հայտարարել է ռուս քաղաքագետ Ստանիսլավ Տարասովը, հաղորդում է Analitika.at.ua-ն:
«Ինչ վերաբերվում է Ադրբեջանին և Իսրայելի հետ նրա ռազմական պայմանագրին, ապա խոսքը, ամենայն հավանականությամբ, գնում է նախազգուշական միջոցների մասին՝ կապված Իրանում հնարավոր իրադարձությունների հետ: Թեև պաշտոնական Բաքուն հայտարարել է, որ գնված զենքը կարող է օգտագործվել Ղարաբաղի դեմ: Բայց դրանք խոսքեր են: Երևում է՝ Իսրայելը կառուցում է Թուրքիայի ռազմաքաղաքական հակակշիռը»,- ասել է քաղաքագետը:
Նրա խոսքով, սպառազինությունների մրցավազքը տարածաշրջանում ոչ մի լավ բանի չի հանգեցնի, միաժամանակ հավելելով, որ դերասանները զուր չեն ասում, որ առաջին ակտում պատից կախված զենքը վերջինի ժամանակ պետք է կրակի:
Պատասխանելով այն հարցին, թե կարող է արդյոք այդ զենքն օգտագործվել Մոսկվայի դեմ, փորձագետը նշել է, որ դա անիրական նախագիծ է. «Բաքուն երբեք չի պատերազմի Մոսկվայի դեմ: Այն պատճառով չէ, որ ուժերն անհավասար են, այլ նրա համար, որ նրանք հիշում են 2008-ի կովկասյան պատերազմի դասերը»:
