Մարտի 21-ին Հայաստանի հանդբոլիստուհիների հավաքականը մեկնել է Բուլղարիա: Այն Գաբրովոյում մասնակցելու է «Չելենջ տրոֆի» միջազգային մրցաշարին: Այս ստուգատեսում ուժերն են չափում մինչև 23 տարեկան հանդբոլիստուհիները: Հավաքականը մարտի 22-ին, 23-ին և 24-ին մրցելու է համապատասխանաբար Լատվիայի, Բուլղարիայի և Մոլդովայի ներկայացուցիչների հետ: Նախկինում այս թիմերի հետ մեր երկրի հանդբոլիստուհիների հավաքականը խաղեր չի անցկացրել: Այս մասին հաղորդում է Հայաստանի հանդբոլի ֆեդերացիայի պաշտոնական կայքը: