Եվրասիական տնտեսական համագործակցության ( ԵվրԱզԷՍ) մասին համաձայնությունը չստորագրվեց Մոսկվայի գագաթաժողովում, քանի որ Ղազախստանը դեմ է եղավ: Այս մասին հայտարարել է Բելառուսի նախագահ Ալեքսանդր Լուկաշենկոն Russia Today-ին տված հարցազրույցում: «Մենք իսկապես չենք ընդունել համաձայնագրի այս նախագիծը, չենք ստորագրել այն, քանի որ Ղազախստանը կտրականապես դեմ է հանդես եկել տնտեսական միությանը»,-ասել է նա:

Ըստ նրա, Ղազախստանը դեմ էր ռուսների և բելառուսների առաջարկություններին, «իսկ մենք միաձայն կողմ էինք համաձայնագիրը ստորագրելուն»: «Մենք ասել էինք, որ պետք է ստորագրել պայմանագիրը: Նրանք հայտարարեցին, որ պետք չէ արագացնել այդ գործընթացը»,-մեկնաբանել է Լուկաշենկոն:

Նա հիշեցրել է, որ իսկապես ավելի վաղ պայմանավորվածություն կար այն մասին, որ 2015թ. Ռուսաստանը, Բելառուսը և Ղազախստանը լինելու են Եվրասիական տնտեսական միությունում: «Այստեղ ռուսներն առաջարկեցին արագացնել գործընթացը: Իսկ բելառուսական կողմը դեմ չէր դրան և ուշադրություն էր դարձնում երկու կողմերի դիրքորոշումներին»,-ասել է նախագահը: