  Լիբանանի հայ եւ շիա համայնքների միջեւ քաղաքական տարաձայնություններ չկան 3 օգոստոսի 2006 - 15:11 AMT PanARMENIAN.Net - Հարաբերությունները Լիբանանի հայ եւ շիա համայնքների միջեւ միշտ եղբայրական են եղել, չի եղել ոչ մի դեպք, երբ երկու համայնքների շահերը բարդացած լինեին քաղաքական տարաձայնություններով: Այդ մասին PanARMENIAN.Net ի թղթակցին է հայտարարել «Ազատագրված տարածքների պաշտպանություն» հասարակական կազմակերպության ղեկավար, լիբանանահայ Ժիրայր Սեֆիլյանը: Նրա խոսքերով, Լիբանանի հայերը միշտ էլ հավանություն են տվել Իսրայելի կողմից գրավված Լիբանանի տարածքների ազատագրմանը: «Մեր քաղաքական եւ հոգեւոր առաջնորդները միշտ աջակցում են Լիբանանի ջանքերին այդ ուղղությամբ»,-ասել է նա: Սեֆիլյանի կարծիքով, այս պայքարում ամենակարեւոր գործող անձը «Հեզբոլլահ» կազմակերպությունն է: «Պետք է նշել, որ «Հեզբոլլահի» առաջնորդ շեյհ Հասան Նասրալլան մեծացել է հայկական շրջապատում, հայկական թաղամասում: Հեռուստատեսությամբ եւ ռադիոյով իր ունեցած ելույթներում, անդրադառնալով Լիբանանի ներքաղաքական խնդիրներին, Նասրալլան միշտ բարձր է գնահատել հայերի դերը երկրի հասարակական կյանքում: Հայկական կուսակցությունները պարբերաբար հանդիպում են «Հեզբոլլահի» ղեկավարության հետ, հայ երիտասարդությունը բարձր է գնահատում կազմակերպության դերը Լիբանանի ազատագրման եւ անկախության գործում: Մենք նույնպես տեսնում ենք այդ կազմակերպության դերը Լիբանանի կյանքում եւ գնահատում ենք այն փաստը, որ «Հեզբոլլահը» ընդհանուր ոչ մի բան չունի Ուսամա բեն Լադենի եւ նրա «Ալ-Ղաիդայի» հետ»,-ընդգծել է Սեֆիլյանը: Նշենք, որ ներկայումս Լիբանանում բնակվում է 100 հազար հայ: Լիբանանում է գտնվում նաեւ Մեծի Տանն Կիլիկիո կաթողիկոսի վեհարանը (Անթիլյաս):   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
