Գերմանիայի Գերագույն դատարանը մերժել է ամերիկյան Apple ընկերության բողոքարկումը կապված ստորին ատյանի դատարանի 2013-ին ընդունված վճռի հետ, որի համաձայն «Slide to Unlock» գործառույթի պատենտն անվավեր համարվեց: Այդպիսով, ընկերությունը զրկվեց բջջային սարքի ապարգելափակման եզակի գործառույթի պատենտից:

Այդ մեթոդի պատենտը 2012-ին Գերմանիայում Motorola սմարթֆոնների վաճառքի դատական արգելքի պատճառ դարձավ: Apple-ի բողոքներից տուժեցին նաև Android-սմարթֆոններ արտադրող այլ ընկերություններ: Սակայն արդեն 2013-ին Motorola-ն հասավ նրան, որ այդ պատենտը չեղյալ համարվեց, որին հաջորդեց Apple-ի բողոքարկման հայցը:

Գերմանական դատարանը եկավ այն եզրակացության, որ «Slide to Unlock» գործառույթն ավելի շատ դասվում է արվեստի ոլորտին և չի համապատասխանում բավականաչափ բարձր չափանիշներին, իսկ «վիճարկվող պատնետը հիմնված չէ գյուտի վրա»:

Բացի այդ, դատարանը նշել է, որ «Slide to Unlock» գործառույթը գործնականում պատճենում է Neonode հեռախոսում օգտագործվող գործառույթը, որը հայտնվել էր շուկայում առաջին iPhone-ի թողարկումից դեռ մեկ տարի առաջ: