Covid 19-ի դեմ պատվաստման կեղծ հավաստագրերի և թեստերի քրգործերով 15 մեղադրյալ կա, 9-ը կալանավորված

Covid 19-ի դեմ պատվաստման կեղծ հավաստագրերի և թեստերի քրգործերով 15 մեղադրյալ կա, 9-ը կալանավորված

PanARMENIAN.Net - Covid 19-ը համավարակի տարածման կանխարգելման միջոցառումների գործընթացում մի շարք բուժհաստատությունների տասնյակ աշխատակիցների կողմից գրեթե նույն սխեմայով կատարված պաշտոնական կեղծիքների և կաշառքի բազմաթիվ դեպքեր են բացահայտվել, տեղեկացնում է Գլխավոր դատախազությունը։

Ձեռք բերված բավարար ապացույցների համակցությամբ քրգործերով արդեն իսկ մեղադրանքներ են առաջադրվել ընդհանուր 15 անձի, որոնցից 9-ը կալանավորվել է:

Մասնավորապես, բուժհաստատությունների, պետական այլ մարմինների կազմակերպական-տնօրինչական, վարչատնտեսական գործառույթներ ունեցող մի շարք պաշտոնատար անձինք հարյուրավոր քաղաքացիների չեն պատվաստել սահմանված դեղատեսակներով և դեղաչափերով, սակայն կազմել են նրանց կողմից կորոնավիրուսի դեմ պատվաստանյութի առաջին կամ երկու չափաբաժնով պատվաստված լինելը հավաստող, բովանդակությամբ կեղծ սերտիֆիկատներ և դրանք մուտքագրել էլեկտրոնային առողջապահության միասնական տեղեկատվական ԱՐՄԵԴ համակարգ:

Առանձին դեպքերում էլ պարզված կոռուպցիոն չարաշահումները պայմանավորված են եղել քաղաքացիների, այդ թվում՝ ՀՀ ժամանող ուղևորների համար ՊՇՌ հետազոտության բացասական արդյունք ապահովելու հետ: Մասնավորապես, առանձին համաճարակաբաններ, բուժհաստատությունների աշխատակիցներ պատրաստել և առանձին քաղաքացիների, ՀՀ ժամանած ուղևորներին իրացրել են կորոնավիրուսի թեստի կեղծ բացասական պատասխաններ, որոնք վերջիններս ներկայացրել են ըստ պահանջի:

Պարզվել է, որ բուժսպասարկում իրականացնող և համապատասխան լիազորություններով օժտված պաշտոնյաներ պատվաստված լինելու կեղծ սերտիֆիկատ, կամ առանց նմուշառման կորոնավիրուսի թեստի կեղծ բացասական պատասխաններ ստացած քաղաքացիներից անձամբ կամ միջնորդների միջոցով ապօրինի գործողությունների համար ստացել են 5000-ից մինչև 40,000 դրամ կաշառք:

ԱԱԾ-ում և ոստիկանությունում հարուցվել է 20 քրգործ, որոնք վերաբերում են Երևանի և Շիրակի, Արարատի, Գեղարքունիքի մարզերի բազմաթիվ բուժհաստատությունների, հիմնականում՝ պոլիկլինիկաների:

Քրգործերով պատվաստման բովանդակությամբ կեղծ սերտիֆիկատներ են ստացել և դրանց հիման վրա ԱՐՄԵԴ համակարգում ապօրինաբար գրանցվել, կամ կորոնավիրուսի թեստի կեղծ բացասական պատասխաններ է ստացել (ավելի քիչ թվով) ընդհանուր մոտ 310 քաղաքացի:

Քրեական գործերը գտնվում են նախաքննության փուլում

 Ուշագրավ
«Միայն «իր հաշվին» ձևակերպումն է ճանաչվեց հակասահմանադրական»,-ասվում է ԱՆ հայտարարության մեջ
Ավիաընկերությունը կապահովի դեկտեմբերի 17-19-ը նախատեսված չվերթերի բոլոր ուղևորների տեղափոխումը
«Ես էլ ձեր տրամադրությունը բարձրացնեմ»,-գրել է նա
Նա տեղեկացրել է նաև, որ կորոնավիրուսի հետևանքով հոսպիտալացված 2009 քաղաքացիներից 102-ն են պատվաստված
---