Գամփռ Շողն ու փոքրիկ փիսոնԻնչպես Վայոց ձորի լեռներում ծնվեց շան և կատվի ընկերությունը Վայոց ձորի Եղեգիս գյուղում գտնվող «Արևի» հյուրանոցում արևաշատ և ջերմ հարաբերություններ են հաստատվել տեղաբնակ շուն Շողի և ամառվանից հյուր եկած և այդպես էլ չհեռացած փիսոյի միջև: 9 դեկտեմբերի 2019 PanARMENIAN.Net - Շողը թեև գամփռ է և կարող է վախեցնել վատ մտադրություններով ժամանածներին, սակայն մեծ սիրտ ունի, ինչն էլ զգացել է հյուրանոցի նոր բնակիչը: Ինչպես PanARMENIAN.Net –ին պատմեց հյուրանոցի հիմնադիր Գևորգ Գասպարյանը, կատվի ձագն ամռանն է եկել իրենց մոտ: «Երևի մոտակայքում ինչ-որ կատու ձագեր է ունեցել: Մի քանիսն իրենց ոտքով եկան մեզ մոտ ամռանը: Շողը կատուներից ոչ մեկին չթողեց մնալ հյուրանոցի բակում, միայն այս մեկին պահեց: Իր բաժին հացից էր տալիս նրան, այդպես էլ ընկերացան», - նշեց Գասպարյանը:
Կենդանիներն իրար հետ շատ ժամանակ են անցկացնում, հատկապես ցրտին փիսոն միշտ օգտվում է Շողի ջերմությունից, գիշերը քնում է նրա վրա կամ գրկում, ցերեկները զբոսնում կամ խաղում են իրար հետ: Կարճ ժամանակում ընկերություն անող շունն ու կատուն դարձան հյուրանոցի այցեքարտը, հյուրերից շատերն ասում են, որ միայն նրանց հետևելու համար նորից կայցելեն «Արևի»:
«Հիմա աշխարհում նույնիսկ միջանձնային հարաբերություններն են խնդիր, իսկ մեզ մոտ շունն ու կատուն են ընկերացել: Մտածում ենք նույնիսկ նրանց նկարը մեծ տպել՝ կպցնել հյուրանոցի պատին: Նրանց ընկերությունը լավ օրինակ է նաև մարդկանց համար», - նշեց հյուրանոցի հիմնադիրը:
Վերջերս «Արևի»-ում մեկ այլ գամփռ էլ է հայտնվել՝ որձ Լեռը: Գևորգի ընկերոջ շունն է, որին բերել են հյուրանոց՝ ձմեռելու հարմար պայմաններում, ինչպես նաև ծանոթանալու գեղեցկուհի Շողի հետ: Շները դեռ 10-11 ամսական են, ինչպես նշեց Գևորգը՝ անչափահաս, բայց եթե առաջին ծանոթությունը լավ անցնի, գուցե ձագեր էլ ունենան:
Փիսոն չի վախենում նաև Լեռից, հանգիստ օգտվում է նաև նրա բարությունից և ջերմությունից, և ընդհանրապես շատ ազատ է պահում իրեն, կարծես, չգիտի, որ փոքրիկ փիսոները պետք է վախենան մեծ շներից: Շներն էլ չգիտեն, որ «մեծ են և վախենալու», և այդ չիմացությունն էլ ծնել է այս հրաշք ընկերությունը Վայոց ձորի լեռներում:
Ի դեպ, մինչև մեզ հետ զրույցը հյուրանոցի անձնակազմից որևէ մեկը չի հետաքրքրվել՝ ինչ սեռի է ձագուկը: Պարզեցինք՝ փիսոն տղա է: Բայց դեռ անուն էլ չունի, բոլորի համար ուղղակի փիսո է: Որոշեցինք բոլորով միասին ընտրել անուն Շողի ընկերոջ համար:
Ընթերցեք նաև. Վայոց ձորում բացվել է Հայաստանի առաջին կոնտեյներ-հյուրանոցը Յուլիաննա Լալաբեկովա / PanARMENIAN.Net Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները |