Վարչապետ. ՀՀ և Քուվեյթի միջև անհրաժեշտ է ավիաչվերթներ իրականացնել25 մարտի 2016 - 15:51 AMT PanARMENIAN.Net - ՀՀ վարչապետ Հովիկ Աբրահամյանը անհրաժեշտ է համարել Երևանի և Էլ Քուվեյթի միջև ավիաչվերթների իրականացումը: Այս մասին վարչեպետը ասել է տարեցների խնամքի և վերականգնման Երևանի թիվ 1 տուն-ինտերնատի նոր մասնաշենքի բացմանը: Այն կառուցվել է Քուվեյթի Պետության ֆինանսավորմամբ: Միջոցառմանը ներկա էին նաև Քուվեյթի արդարադատության, կրոնական կալվածքների և իսլամական հարցերի նախարար Յաքուբ Աբդ ալ-Մոհսեն ալ-Սանիեն, ՀՀ արդարադատության նախարար Արփինե Հովհաննիսյանը, ՀՀ աշխատանքի և սոցիալական հարցերի նախարար Արտեմ Ասատրյանը, դիվանագիտական կորպուսի ներկայացուցիչներ: Խոսելով Քուվեյթի հետ տնտեսական համագործակցության զարգացման մասին՝ Աբրահամյանն անհրաժեշտ է համարել գործարար կապերի սերտացման ուղղությամբ հետևողական քայլերի, ինչպես նաև Երևանի և Էլ Քուվեյթի միջև ավիաչվերթների իրականացումը, ինչը կնպաստի զբոսաշրջության ոլորտում համատեղ ծրագրերի կյանքի կոչմանը: Քուվեյթի Պետության արդարադատության, կրոնական կալվածքների և իսլամական հարցերի նախարար Յաքուբ Աբդ ալ-Մոհսեն ալ-Սանիեն նշել է, որ իր երկիրը մեծապես կարևորում է Հայաստանի հետ կապերի ընդլայնումը և պատրաստ է ներդրումային ծրագրերի իրականացման նպատակով քննարկել երկուստեք հետաքրքրություն ներկայացնող մի շարք հարցեր ու նախագծեր: Կառավարության ղեկավարը շրջել է տուն-ինտերնատի մասնաշենքով, ծանոթացել կատարված աշխատանքներին և տարեցների համար ստեղծված ժամանակակից պայմաններին: Մասնաշենքն ամբողջությամբ համալրվելու է անհրաժեշտ սարքավորումներով, ստեղծվելու են շահառուների սոցիալ-կենցաղային սպասարկման, խնամքի և բժշկական օգնության ծառայությունների պատշաճ իրականացման պայմաններ: Միաժամանակ մասնաշենքում հնարավորություն կլինի սպասարկել 72 անկողնային հիվանդի: Վարչապետը բարձր է գնահատել ինտերնատի մասնաշենքի կառուցմանն աջակցելու քուվեյթյան կողմի նախաձեռնությունը և համոզմունք հայտնել, որ նման ծրագրերը կնպաստեն երկու ժողովուրդների բարեկամության ամրապնդմանը: Վարչապետը կարևորել է Քուվեյթի արդարադատության, կրոնական կալվածքների և իսլամական հարցերի նախարարի այցը մեր երկիր՝ ավելացնելով, որ նման փոխայցելությունները հնարավորություն են տալիս քննարկելու հայ-քուվեյթյան հարաբերությունների զարգացմանն ու խորացմանը վերաբերող մի շարք հարցեր: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը Վենետիկի 60-րդ հոբելյանական բիենալեի հայկական տաղավարի պաշտոնական աջակիցն է ARARAT լեգենդար հայկական կոնյակը Ազգային տաղավարի համադրողն է ԳԱԿ ցուցադրությունների գծով տնօրեն Արմեն Եսայանցը Փոխվարչապետը շեշտել է ՎԶԵԲ-ի դերը ԵՄ տնտեսական և ներդրումային պլանի իրականացման գործընթացում Գրիգորյանը նշել է, որ ՎԶԵԲ-ը Հայաստանի համար առանցքային գործընկեր է |