Բակո Սահակյանը՝ Արամ Ա-ին. Թե օրհասական և թե հաղթական պահին միշտ Արցախի կողքին եք20 հոկտեմբերի 2018 - 11:29 AMT PanARMENIAN.Net - Արցախի Հանրապետության նախագահ Բակո Սահակյանը հոկտեմբերի 20-ին շնորհավորական ուղերձ է հղել Մեծի Տանն Կիլիկիո կաթողիկոս Արամ Առաջինին ձեռնադրման 50-ամյակի կապակցությամբ՝ նշելով, որ Արցախում բարձր են գնահատում Արամ Առաջինին որպես կաթողիկոսի, հոգևորականի, հասարակական գործչի, հայրենանվեր մարդու: Ուղերձում ասվում է, որ թե օրհասական պահին և թե հաղթական ժամին Արամ Առաջինը եղել է միշտ Արցախի հետ, Արցախի կողքին ՝ իր գործուն աջակցությունն ու օժանդակությունը բերելով արցախցիներին, օգնելով լուծել երկրի առջև ծառացած բազմաբնույթ խնդիրները, ապավեն լինելով բազմաթիվ փորձությունների միջով անցած և իր ճակատագիրն ինքնուրույն կերտող ժողովրդին: «Վեհափա՛ռ Տեր, Ձեր ձեռնադրման 50-ամյակը նշանակալի իրադարձություն է Հայ առաքելական եկեղեցու, Մեծի տանն Կիլիկիո կաթողիկոսության, Հայրենիքի և Սփյուռքի բազմաթիվ օջախների համար: Արցախի ժողովրդի, իշխանությունների և անձամբ իմ անունից ի սրտե շնորհավորում եմ այս հիշարժան հոբելյանի կապակցությամբ և մաղթում քաջառողջություն ու արևշատություն Ձեզ՝ Ձերդ Սուրբ Օծություն, զորացում ու բարգավաճում՝ Մեծի Տանն Կիլիկիո Կաթողիկոսությանը և նրա թեմերին»,-ասվում է ուղերձում: Ուղերձում նշվում է, որ Արցախում գիտեն և բարձր են գնահատում Արամ Առաջինի երկարամյա գործունեությունը՝ ուղղված ազգային եկեղեցու ծաղկմանն ու զարգացմանը, սփյուռքում հայապահպանությանը, ազգային ու հոգևոր արժեքների պահպանմանն ու տարածմանը, Հայրենիք-Սփյուռք կապերի ամրապնդմանը: Նշվու է նաև, որ կաթողիկոսը մեծածավալ ազգանպաստ գործունեություն է իրականացնում կրթական-հայագիտական ծրագրերի, միջեկեղեցական և միջկրոնական կապերի ընդլայնման ու խորացման ուղղությամբ: «Ընդունեք կրկին իմ խորին հարգանացս հավաստիքը և լավագույն բարեմաղթանքները Ձեր ձեռնադրության 50-րդ տարեդարձի կապակցությամբ: Թող ամենազոր Աստված միշտ պահապան լինի Ձեզ, Մայր Եկեղեցուն և աշխարհասփյուռ հայ ժողովրդին», - ասված է ուղերձում։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Փաշինյանը` ՀՀ նպատակների մասին․ Թուրքիայի և Ադրբեջանի հետ թշնամության կառավարում, նվազեցում, զրոյացում Նա ասել է, որ այս համատեքստում կառավարությունը հատուկ կարևորություն է տալիս «Խաղաղության խաչմերուկ» նախագծին Փաշինյան․ Սահմանազատումն արվում է ԽՍՀՄ վերջին քարտեզների հիման վրա, 1988–ի սահմանազատումն իրավական ուժ չունի Նա, սակայան, չի նշել, թե կոնկրետ որ թվականի քարտեզի մասին է խոսքը Փաշինյան․ Ալմաթիի հռչակագիրը խաղաղության պայմանագրում ներառելու հարցը կքննարկվի մայիսի 10-ին Վարչապետին հացրել են, թե ինչո՞ւ Բաքուն չի համաձայնում Ալմաթիի հռչակագիրը ներառել նաև խաղաղության պայմանագրում Միրզոյան. Այդ «պինգ-պոնգ դիվանագիտությամբ» արդեն հաջողվել է համաձայնության գալ բազմաթիվ հարցերի շուրջ Նա նաև զգուշավոր լավատեսություն է հայտնել առաջիկայում Ալմաթիում սպասվող բանակցությունների առումով |