 Փաշինյան. Հայ-գերմանական հարաբերությունները գտնվում են երբևէ ամենաբարձր մակարդակի վրա 14 փետրվարի 2020 - 10:38 AMT PanARMENIAN.Net - Հայ-գերմանական հարաբերությունները գտնվում են երբևէ ամենաբարձր մակարդակի վրա, հայտարարել է ՀՀ վարչապետ Նիկոլ Փաշինյանը Գերմանիայի կանցլեր Անգելա Մերկելի հետ ԶԼՄ ներկայացուցիչների համար համատեղ ասուլիսի ժամանակ: Փաշինյանն աշխատանքային այցով Գերմանիայում է: Նա արդեն հանդիպել է Բունդեսթագի նախագահ Վոլֆգանգ Շոյբլեի հետ: Փաշինյանը նշել է, որ իր պաշտոնավարման ընթացքում Մերկելի հետ արդեն երրորդ հանդիպումն է, ինչը վկայում է ՀՀ և Գերմանիայի միջև հարաբերությունների բարձր մակարդակի մասին: «Առանձնակի ցանկանում են շեշտել այն աջակցությունը, որը Գերմանիան ցուցաբերում է ՀՀ-ում բարեփոխումներին: Մենք երախտապարտ ենք Գերմանիային և ԵՄ-ին բարոյական, քաղաքական, փորձագիտական և ֆինանսական աջակցության համար»,- հայտարարել է Փաշինյանը: Վարչապետը նշել է, որ Գերմանիան ՀՀ-ի համար կարևոր և հաջողված մոդել է՝ որպես խորհրդարանական կառավարման երկիր: Գերմանիայի կանցլեր Անգելա Մերկելն ասել է, որ ՀՀ-ում մեծ փոփոխություններ են ակնկալվում նաև իրավական համակարգում: Մերկելի խոսքով արդեն 2020-ի աշնանը Բեռլինում կբացի նաև Թումո կենտրոն: Նա նշել է, որ վարչապետի հետ հանդիպմանը քննարկման թեմաներից մեկն էլ լինելու է Հայաստան-Ադրբեջան հարաբերություններում առաջընթացի գրանցումը: Մերկելի հետ համատեղ հայտարարությամբ հանդես գալով՝ Փաշինյանը նշել է, որ փետրվարի վերջին գերմանացի գործարարների այց է նախապատրաստվում ՀՀ, իսկ հոկտեմբերին՝ տնտեսական ֆորում:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
