Krisp-ը և ԵՊՀ-ն գիտակրթական լաբորատորիա կբացեն 15 հուլիսի 2021 - 12:13 AMT PanARMENIAN.Net - Krisp ընկերությունը և Երևանի պետական համալսարանը YSU Krisp AI Lab գիտակրթական լաբորատորիա բացելու հուշագիր են ստորագրել։ Այդ մասին ֆեյսբուքյան իր էջում տեղեկացրել է Krisp-ի համահիմնադիր և գլխավոր տնօրեն Արտավազդ Մինասյանը։ Նշվում է, որ ԵՊՀ-ի բակալավրի, մագիստրատուրայի և ասպիրանտուրայի ուսանողները հնարավորություն կունենան ստանալու համապատասխան կրթություն, աշխատելու արհեստական բանականության գիտական թեմաների վրա, տպագրելու հոդվածներ։ Krisp-ի գիտական թիմի անդամները ղեկավարելու են ուսանողների գիտական թեմաները։ «Այս լաբորատորիայի հիմնումը կարևոր է մի քանի պատճառներով՝ • Գիտական հիմքի վրա ստեղծված ընկերությունը աճում է և սկսում է երկարաժամկետ ներդրումներ անել գիտության և բարձրագույն կրթության մեջ։ • Հայաստանում ամրանում է արհեստական բանականության գիտական դպրոցը։ • Կարևորվում է կիրառական գիտության և բիզնեսի կապը»,-ասվում է գրառման մեջ։ Հայկական Krisp ընկերությունը տեխնոլոգիական ընկերություն է, որը 2020թ․ ներգրավել է 5 մլն դոլարի ներդրում։ Արհեստական բանականության տեխնոլոգիաների վրա հիմնված Krisp-ի լուծումները թույլ են տալիս ձայնը մաքրել անչափ կարճ ժամանակահատվածում` 15 միլիվայրկյան, ինչև թույլ է տալիս դրանք գործարկել գրեթե ցանկացած էլեկտրոնային սարքի վրա, մասնավորապես՝ սմարթֆոնների։   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
