Ակբան բիզնեսին է փոխանցում իր լավագույն փորձն ու գիտելիքը

PanARMENIAN.Net - Տասը տարի առաջ Ակբա բանկը ստեղծել է ֆինանսական կազմակերպություններին ոչ այնքան հատուկ նախաձեռնություն, որի նպատակը բանկի գործընկերներին, հաճախորդներին ու հետագայում նաև ոչ հաճախորդներին հավելյալ արժեքի փոխանցումն է։

«Փոքր և միջին ձեռնարկությունների համար Ակբա բանկի անվճար բիզնես դասընթացները եղել են ոչ թե բիզնես պրոյեկտ, այլ սոցիալական պատասխանատվություն։ Համախոհներով մտածում էինք՝ ինչո՞վ կկարողանանք օգտակար լինել բիզնես համայնքին։ Սա է ՓՄՁ-ների համար անվճար բիզնես դասընթացների կազմակերպման և իրականացման հիմնական գաղափարը, որը փայլուն իրականացնում ենք»,- նշել է Ակբա բանկի բիզնես գործառույթների համակարգման գծով գլխավոր գործադիր տնօրենի տեղակալ Արսեն Մելքոնյանը։

Թարմացված հարթակում հնարավոր է ծանոթանալ ՓՄՁ-ների համար առաջիկա բիզնես դասընթացների ժամանակացույցին, միջոցառումներին, ինչպես նաև օգտվել ուսումնական բազմաթիվ նյութերից ու բիզնեսի կառավարման համար օգտակար ձևանմուշներից։

Բիզնեսներին առավել շատ օգտակար լինելու համար բանկի Acba Business Partner ենթաբրենդի ներքո Ակբան մեկնարկել է նոր նախաձեռնություն՝ Acba⠀Business⠀Club-ը, որի նպատակն է ստեղծել այնպիսի հարթակ, որտեղ բիզնեսը կկարողանա նոր խթան հաղորդել Հայաստանում գործարարության զարգացմանը, նաև համագործակցության ավելի մեծ հնարավորություններ ու նոր հեռանկարներ կստեղծվեն ի նպաստ Հայաստանի տնտեսության։

Դարձի՛ր բիզնես ակումբի անդամ:

Ակբա բանկը Հայաստանի ֆինանսական համակարգում առաջինն է, որը ՓՄՁ-ների զարգացման համար 2013 թվականին մեկնարկեց և մինչև օրս շարունակում է անվճար բիզնես դասընթացների շարքը։

Բանկը վերահսկվում է ՀՀ ԿԲ կողմից։