Չինաստանում ածխահանքում պայթյունի հետևանքով մոտ 90 մարդ է զոհվել 23 մայիսի 2026 - 13:38 AMT PanARMENIAN.Net - Չինաստանի հյուսիսային Շանսի նահանգում գտնվող ածխահանքում գազի պայթյունի հետևանքով առնվազն 90 մարդ է զոհվել, հայտնել է Reuters-ը՝ հղում անելով Չինաստանի կենտրոնական հեռուստատեսությանը։ Ավելի վաղ պետական «Սինհուա» գործակալությունը տեղեկացրել էր 82 զոհի և ինը անհետ կորածի մասին։ Գազի պայթյունը տեղի է ունեցել մայիսի 22-ի ուշ երեկոյան Ցինյուան գավառում գտնվող Լյուշենյույ ածխահանքում։ Վթարի պահին հողի տակ գտնվել է 247 աշխատող, փոխանցել է գործակալությունը, գրում է BBC-ն: Ցինյուանի արտակարգ իրավիճակների վարչության տվյալներով՝ փրկարարական գործողությունը շարունակվում է, իսկ վթարի պատճառները դեռևս պարզվում են։ ՉԺՀ նախագահ Սի Ծինփինը կոչ է արել գործադրել բոլոր հնարավոր ջանքերը տուժածներին օգնություն ցուցաբերելու և ողջ մնացածներին հայտնաբերելու համար, ինչպես նաև հանձնարարել է կառավարությանը հետաքննել վթարի պատճառները և պատասխանատվության ենթարկել մեղավորներին։ Reuters գործակալությունը ուշադրություն է հրավիրել այն հանգամանքի վրա, որ նախնական տեղեկություններով հաղորդվել էր միայն ութ զոհի և հանքից փրկված ավելի քան 200 աշխատակցի մասին։ Զոհերի թվի նման կտրուկ աճի պատճառները պաշտոնապես չեն մեկնաբանվել։ Reuters-ը նշել է, որ 2000-ականների սկզբից Չինաստանը զգալիորեն նվազեցրել է ածխահանքերում մահացու դեպքերի թիվը՝ անվտանգության կանոնների խստացման շնորհիվ։ Լյուշենյույ հանքում տեղի ունեցած ողբերգությունը դարձել է վերջին տասնամյակի ամենամահաբեր դեպքերից մեկը երկրում։   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
