  Գալյանը` IMEI կոդերի մասին. Անձնական տվյալների պաշտպանության նոր օրենք է մշակվում 30 հունիսի 2026 - 13:57 AMT PanARMENIAN.Net - Արդարադատության նախարարությունը աշխատում է «Անձնական տվյալների պաշտպանության» նոր օրենսդրության մշակման ուղղությամբ, որպեսզի հնարավոր լինի փարատել բջջային հեռախոսների IMEI կոդերի գրանցման շուրջ առաջացած մտահոգությունները։ Այդ մասին Սահմանադրական դատարանի շենքի մոտ լրագրողների հետ ճեպազրույցում հայտարարել է արդարադատության նախարար Սրբուհի Գալյանը։ Կառավարության որոշմամբ Հայաստանում ներդրվելու է բջջային հեռախոսների միջազգային նույնականացուցիչների՝ IMEI կոդերի միասնական համակարգը։ Անհատների կամ ֆիզիկական անձանց կողմից բջջային հեռախոսներ ներմուծելու դեպքում 2027 թվականի հունվարի 1-ից կոդերը կգրանցվեն առցանց, և կսահմանվի պետական տուրք։ Եթե IMEI կոդը գրանցված չլինի, ապա բջջային օպերատորը կկասեցնի կամ կդադարեցնի ծառայության մատուցումը։ «Անձնական տվյալների պաշտպանության բարձր շեմ պետք է նախատեսվի նմանատիպ դեպքերի համար, և այդ նպատակով ենք մենք հիմա աշխատում ենք «Անձնական տվյալների պաշտպանության» նոր օրենսդրության մշակման շուրջ։ Այն կփարատի առկա բոլոր մտահոգությունները»,– վստահեցրել է նախարարը։ Նա կոչ է արել վերադառնալ կառավարության այս նախագծի հիմնական նպատակին՝ ընդգծելով, որ այն ոչ թե որևէ մեկին վերահսկողության տակ պահելու միտում ունի, այլ նպատակ ունի կանխել ապօրինի կամ մաքսանենգ ճանապարհով հեռախոսների մուտքը Հայաստան։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
