Եթե Ռոբերտ Քոչարյանը որոշի վերադառնալ քաղաքական դաշտ, նա ինքը կհայտարարի այդ մասին: Երևանում կայացած մամլո ասուլիսում հայտարարել է ՀՀԿ խորհրդարանական խմբակցության անդամ Հովհաննես Սահակյանը՝ մեկնաբանելով Քոչարյանի հնարավոր վերադարձը քաղաքական ասպարեզ: Ըստ նրա, Հայաստանի նախկին նախագահը բազմիցս է ասել, որ ինքը կհայտարարի իր վերադարձի մասին: «Քանի դեռ նա նման հայտարարություն չի արել, դրա շուրջ կանխատեսումներ անելն անշնորհակալ գործ է»,-նշել է հանրապետականը:
Հովհաննես Սահակյանը նաև հերքել է այն լուրերը, թե Քոչարյանի հնարավոր վերադարձը խուճապ է առաջացրել ՀՀԿ շարքերում: Ըստ նրա, դա այնքան ահեթեթ է, որ նույնիսկ մեկնաբանության կարիք չունի:
Անդրադառնալով այն հարցին, թե ինչպես կանդրադառնա իշխանափոխությունը Ռուսաստանում Հայաստանի վրա՝ Սահակյանն ասել է, որ դա առանձնապես չի ազդի երկրի ներքաղաքական կյանքի վրա:
