Ճապոնիայում 2010 թվականից ի վեր առաջին անգամ երեք հանցագործների մահապատժի են ենթարկել
Ճապոնիայում 2010 թվականի հուլիսի վերջից ի վեր առաջին անգամ երեք հանցագործների մահապատժի են ենթարկել: Ինչպես հաղորդում է ՌԻԱ Նովոստին, այդ մասին մամլո ասուլիսում հայտնել է երկրի արդարադատության նախարար Տոսիո Օգավան: «Կառավարության կողմից անցկացված հանրային կարծիքի հարցումների արդյունքում պարզվել է, որ բնակչության մեծամասնությունը` 85%, օժանդակում է մահապատժին: Օրենքը խոսում է մահապատիժ կիրառելու անհրաժեշտության մասին, և դա արդարադատության նախարարի ծառայողական պարտքն է: Ելնելով իմ պարտքը կատարելու անհրաժեշտության մասին այս նկատառումներից` կարգադրեցի այսօր մահապատժի վճիռ կատարել երեք հոգու հանդեպ»,- նշել է նախարարը:
Ճապոնիայի դատական պրակտիկայում մահապատիժը, որպես կանոն, կիրառվում է մի քանի հոգու սպանության դեպքում:
