Վան Գոգի կտավի վրա պատկերված արևածաղիկները գենային մուտացիայի ախտանիշեր ունեն, ասվում է Ջորջիայի համալսարանի գիտնականի PLoS Genetics ամսագրում տպագրված հոդվածում:
Վան Գոգի կտավում պատկերված ծաղիկների մեծ մասն ունի փոքր «պտղաբեր» ներքին սկավառակ, որը գրեթե չի երևում բազում արտաքին ծաղիկ-թերթիկների ետևում, ինչը, ինչպես պարզել են գիտնականները, գենային մուտացիայի արդյունք է: Գիտնականները պարզել են, որ մուտացիան տեղի է ունենում HaCYC2c գենում, որը պատասխանատու է անպտուղ ծաղիկների աճի համար:
Գիտնականներն ապացուցել են, որ վայրի արևածաղիկների մոտ նման մուտացիա չի նկատվում, հայտնում է ՌԻԱ Նովոստին: