Երեւանի սրճարաններից մեկում տեղի ունեցած փոխհրաձգության գործով ձերբակալվել է Հայաստանի քաղաքաշինության նախարար Արա Արամյանի որդին` Հայկ Արամյանը: ՀՀ Գլխավոր դատախազության մամլո ծառայության հաղորդագրության համաձայն, նրան մեղադրանք է ներկայացվել ՀՀ Քրեական օրենսգրքի երեք հոդվածներով` զենքի ապօրինի ձեռք բերում, մահափորձ եւ խուլիգանություն: Հիշեցնենք, որ մարտի 12-ի երեկոյան երեւանյան «Տրիումֆ» սրճարանում տեղի է ունեցել փոխհրաձգություն, որի արդյունքում մի քանի հոգի վիրավորվել են: Քննությունը պարզել է, որ հրազենը կիրառել է Հ.Արամյանը: