Ապրիլի 25-ին` ժամը 16:00-ին, ՀՀ ԳԱԱ նախագահության նիստերի դահլիճում տեղի կունենա հայ պատմագիտական մտքի ականավոր ներկայացուցիչ, ՀԽՍՀ ԳԱ ակադեմիկոս ՀԽՍՀ վաստակավոր գործիչ, Ծատուր Աղայանի 100-ամյա հոբելյանին նվիրված հանդիսություն:

ԳԱԱ-ից PanARMENIAN.Net-ին հայտնում են, որ նրա հիմնական աշխատանքները վերաբերում են Անդրկովկասի ժողովուրդների պատմությանը, հեղափոխական և ազգային-ազատագրական շարժումներին: Մասնակցել է «Հայ ժողովրդի պատմություն» ակադեմիական բազմահատորյակի, մի շարք կոլեկտիվ աշխատությունների, դասագրքերի ստեղծմանը:

Ակադեմիկոս Ծատուր Աղայանը ՀԽՍՀ պետական մրցանակի դափնեկիր էր, արժանացել է Կարմիր դրոշի, «Պատվո նշան» շքանշանների: Անվանի գործիչը մահացել է 1982թ.: