ՀՌԱՀ-ն (Հեռուստատեսության և ռադիոյի ազգային հանձնաժողով) այսօր կայացած նիստում կարճել է «Կենտրոն» և «Երկիր մեդիա» հեռուստաընկերությունների նկատմամբ վարչական պատասխանատվության ենթարկելու մասին վարույթը: Այս մասին PanARMENIAN.Net-ին հայտնեցին ՀՌԱՀ-ի լրատվական ծառայությունից։

Վարույթը հարուցվել էր ընտրական օրենսգրքի 19 հոդվածի 3-րդ և 5-րդ կետերը խախտելու համար։ Կետերը վերաբերվում են զանգվածային լրատվության միջոցներով իրականացվող նախընտրական քարոզչությանը, որտեղ նշվում է, որ հեռուստաընկերությունները պարտավոր են թեկնածուների, համամասնական ընտրակարգով ընտրություններին մասնակցող կուսակցությունների, կուսակցությունների դաշինքների համար ապահովել ոչ խտրական պայմաններ և ներկայացվնել անկողմնակալ և գնահատականներից զերծ տեղեկատվություն: