«Շտապօգնության» կայանից հունիսի 16-ին` ժամը 21.30-ին ոստիկանության Գյումրիի բաժնում հաղորդում է ստացվել, որ կրծքավանդակի և որովայնի մասերում սուր-ծակող կտրող գործիքից ստացած բազմակի թափանցող վերքերով Լալայան փողոցի թիվ 123/050 տնակից հիվանդանոց է տեղափոխվել տնակի բնակչուհի, 1935 թ. ծնված Ռոզա Խաչատրյանը, որը ստացած վնասվածքներից հիվանդանոցում մահացել է: Այս մասին հաղորդվում է ՀՀ ոստիկանության կայքում:

Ձեռնարկված օպերատիվ-քննչական միջոցառումների շնորհիվ հունիսի 17-ին, ժամը 05.10-ին, պարզվել է, որ հունիսի 16-ին, ժամը 21.00-ի սահմաններում, Լալայան փողոցի հիշյալ տնակի մոտ տարեց կնոջը դանակով հարվածել է 20-ամյա Հարություն Հ.-ն:

Ձեռնարկված միջոցառումների արդյունքում Հարություն Հ.-ն հայտնաբերվել և բերման է ենթարկվել բաժին: Հարություն Հ.-ն ձերբակալված է:

ՀՀ քրեական օրենսգրքի 104 (սպանություն) հոդվածի հատկանիշներով հարուցված քրեական գործի նախաքննությունը շարունակվում է: