Այս տարի Երևանի պետական ճարտարագիտական համալսարան (ԵՊՃՀ) առաջին հայտով դիմել է 1202 դիմորդ, որոնցից 1170 ընդունվել են, մեծ մասը ` առաջին հայտով:
Այս մասին այսօր լրագրողների հետ հանդիպմանն ասաց ԵՊՃՀ ռեկտոր Արա Ավետիսյանը` նշելով, որ դիմորդներից 252-ն անցել են պետպատվերով ուսուցման համակարգ:
Բուհի ռեկտորը նշեց նաև, որ այս տարի 4232 դիմորդ այս կամ երկրորդ տեղով նշել է ԵՊՃՀ-ն իր հայտում, որը, նրա գնահատմամբ, լավ ցուցանիշ է:
«Այս տարի դիմորդների մեծ հոսք եղել է հիմնականում այն ֆակուլտետներում, որոնք սպասարկում են ՏՏ ոլորտը` կիբեռնետիկա, կոմպյուտերային համակարգեր»,-նշեց բուհի ռեկտորը:
Ավետիսյանն ասաց նաև, որ կան նաև ֆակուլտետներ, որտեղ եղել են մեծ թվով թափուր տեղեր, դրանք քիմտեխնոլոգիական, լեռնաարդյունաբերություն, մեխանիկա և մեքենագիտություն ֆակուլտետներն են:
