ԱԺ էթիկայի հանձնաժողովի այսօրվա նիստում որոշվել է վարույթ ընդունել ՀԱԿ անդամ Վարդգես Գասպարիի դիմումը՝ Սամվել Ալեքսանյանի և նրա միջև տեղի տեղի ունեցած միջադեպի առնչությամբ: Այս մասին PanARMENIAN.Net-ի թղթակցի հետ զրույցում ասաց ԱԺ պատգամավոր, Էթիկայի հանձնաժողովի անդամ Զարուհի Փոստանջյանը: Նա նաև տեղեկացրեց, որ երբ բոլոր նյութերն ուսումնասիրվեն, հանձնաժողովը կհրավիրի հաջորդ նիստը:
Հիշեցնենք, որ այս տարվա հունիսի 21-ին, Ազգային ժողովի մուտքի մոտ ՀԱԿ անդամ Վարդգես Գասպարին բողոքի ակցիա է կազմակերպել ընդդեմ Ռուբեն Հայրապետյանի, ում պատկանող «Հարսնաքար» ռեստորանում ծեծել էին ռազմական բժիշկներին: Գասպարրի ձեռքին եղել էև պաստառ` «Նեմեց՝ մարդասպան» գրությամբ: Ակցիայի ժամանակ Վարդգես Գասպարիին մոտեցել էր ՀՀԿ խմբակցության պատգամավոր Սամվել Ալեքսանյանը և փորձել էր խլել պաստառը, իսկ նրա ուղեկցողներից մեկը, հրելով գետնին էր տապալել ակտիվիստին: Պարզվել է, որ հրողը ԱԺ պատգամավոր Առաքել Մովսիսյանի թիկնապահն է: ՀԱԿ ակտիվսիտը այս դեպքի առնչությամբ դիմել է Էթիկայի հանձնաժողով:
