Վաշինգտոնում Հայոց ցեղասպանության 90-րդ տարելիցին նվիրված միջոցառումների անցկացման վայր է հայտարարվել Կապիտոլյան բլուրը, տեղեկացնում է Ամերիկայի հայկական համագումարը: Միջոցառումը կընթանա ԱՄՆ Կոնգրեսում Հայաստանին աջակցող խմբի եւ Վաշինգթոնում Հայաստանի դեսպանության հովանու ներքո: Ամերիկյան սենատորների եւ կոնգրեսականների կարծիքով` միջոցառումն աշխարհին եւս մեկ անգամ կհիշեցնի 20-րդ դարի առաջին ցեղասպանության զոհերի մասին եւ կմիավորի ԱՄՆ-ում 25-ից ավելի հայկական կազմակերպությունների` Հայոց ցեղասպանության ճանաչմանն ուղղված ջանքերը: