ԱԺ գործերի կառավարիչ Հմայակ Մկրտչյանը հերքում է իր մասին մամուլում տարածված լուրերը, թե օրերս իերն հարբած վիճակում բերման են ենթարկել:
«Սուտ է ամբողջությամբ: Դա զրպարտություն է: Ուղղակի վատ մարդիկ շատ կան»,- PanARMENIAN.Net-ի թղթակցին ասաց ԱԺ գործերի կառավարիչը:
Հիշեցնենք՝ «Հրապարակ» օրաթերթն իր այսօրվա համարում գրել էր, թե երկու օր առաջ Թամանյանի արձանի մոտակայքում ԱԺ գործերի կառավարիչը հարբած վիճակում իջել է իր մեքենայից, սկսել է հարվածել հանդիպակաց, իր կարծիքով սխալ կայանված ավտոմեքենայի ապակիներին ու դռներին:
«Ըստ ականատեսների` դեպքի վայր են հասել կարմիր բերետավորները և բերման ենթարկել կառավարիչին, այնուհանդերձ, որոշ մարդկանց «կարևոր» զանգերից հետո, նա բաց է թողնվել. ԱԺ միջանցքներում նախօրեին բացառապես այս մասին էին խոսում»,-գրել էր թերթը:
