«Շախտյորի» գլխավոր մարզիչ Միրչա Լուչեսկուն «Չելսիի» հետ Չեմպիոնների լիգայի խմբային խաղից առաջ նշել է, որ լոնդոնյան թիմի խաղացողները ցանկացած կազմում խաղում են միանման ֆուտբոլ: «Չելսիի» խաղացողների մակարդակը շատ բարձր է: Մենք գիտենք, թե ինչ սպասել մրցակցից: Մենք լավ ենք նախապատրաստվել խաղին և լավ մարզավիճակում ենք: Ցանկանում եմ նշել, որ մեզ համար կարևոր է հաղթել այս խաղում` մեր հեղինակությունը պահպանելու համար: Ես բարձր եմ գնահատում «Չելսիին», դա լավ թիմ է: Ես պետք է ասեմ նաև, որ մենք չենք խաղում անգլիական ֆուտբոլ»,- Լուչեսկուի խոսքերը հաղորդում է «Շախտյորի» պաշտոնական կայքը:
Լուչեսկու կարծիքով, շատ բարդ խաղ է լինելու, քանի որ դա խմբից դուրս գալու «Չելսիի» վերջին շանսերից է:
«Չելսի»-«Շախտյոր» խաղը կայանալու է նոյեմբերի 7-ին «Սթեմֆորդ Բրիջ» մարզադաշտում:
