Արթուր Խաչատուրով. Ինձ համար պատիվ կլինի հանդես գալ Հայաստանի հավաքականում
«Շերիֆի» հայ կիսապաշտպան Արթուր Խաչատուրովը խոստովանել է, որ իր համար պատիվ կլինի խաղալ Հայաստանի հավաքականում:
«Երբ «Շերիֆը» Չեմպիոնների լիգայում խաղում էր «Ուլիսի» հետ, ինձ զանգահարեցին և առաջարկեցին հանդես գալ Հայաստանի հավաքականի կազմում: Ես խորհրդակցեցի ծնողներիս հետ և որոշում կայացրեցի հօգուտ Հայաստանի հավաքականի»,- Խաչատուրովի խոսքերը հաղորդում է ակումբի պաշտոնական կայքը:
Ֆուտբոլիստի խոսքով, նա հայերեն չի խոսում, բայց աստիճանաբար կսովորի այն:
«Հայաստանի հավաքականում կան շատ լեգիոներներ, որոնք խոսում են ռուսերեն: Այնպես որ խաղացողների և մարզիչների հետ ընդհանուր լեզու անպայման կգտնեմ»,- հավելել է նա:
