«Հանրապետություն» կուսակցության քաղաքական խորհուրդը հայտարարում է դեկտեմբերի 2-ին Երևան քաղաքի թիվ 1 ընտրատարածքում «Ժառանգություն» կուսակցության անդամ Ստյոպա Սաֆարյանի թեկնածությունը պաշտպանելու մասին: «Լինելով նախորդ գումարման Ազգային ժողովի պատգամավոր, նա ծավալել է արդյունավետ գործունեություն` ինչպես օրենսդիր մարմնում, այնպես էլ հանրային կյանքում ու Եվրոպական կառույցներում, ակտիվորեն իրականացրել է քաղաքացիների ոտնահարված իրավունքների պաշտպանություն:

«Հանրապետություն» կուսակցությունը կոչ է անում Երևան քաղաքի Ավան և Նոր-Նորք համայնքների ընտրողներին դեկտեմբերի 2-ին քվեարկել հասարակական և քաղաքական գործչի օգտին»,-ասված է կուսակցության տարածած հաղորդագրության մեջ: