Առանձին անձանց իրավունքների խախտումներին վերաբերող բողոքների ավելի քան 20 տոկոսը դրական լուծում են ստանում: Այդ մասին OpenArmenia.com կայքին տված օնլայն հարցազրույցի ժամանակ հայտարարել է Հայաստանի օմբուդսմեն Լարիսա Ալավերդյանը: Նրա խոսքերով, այդ ցուցանիշը համաշխարհային պրակտիկայում դրական է համարվում: Ինչպես նշել է Ալավերդյանը, Հայաստանի օմբուդսմենի գրասենյակ հասնող քաղաքացիների բողոքների բնույթի եւ քանակի մասին տվյալները հրապարակվել են ՀՀ Մարդու իրավունքների պաշտպանի տարեկան զեկույցը մեջ, իսկ վեբ-կայքում տարեկան զեկույցը կտեղադրվի մոտակա օրերին: Միեւնույն ժամանակ նա նշել է, որ քաղաքացիներից ստացված բողոքների առավելագույն քանակը վերաբերում է քաղաքացիական իրավունքների խախտման հարցերին, եւ մասնավորապես` ունեցվածքային իրավունքներին` 256 բողոք: Երկրորդ տեղն են զբաղեցնում բողոքները պաշտոնյաների կողմից Քրեական Օրենսգրքի խախտումների վերաբերյալ` 218 բողոք: «Բողոքում են մարդու իրավունքների խախտումներից «վատ վարչարարության պատճառով»` 126 բողոք, որոնց թվում են խմբեր եւ ձեռնարկությունների կոլեկտիվներ` սեփականաշնորհված կամ սնանկացած, ինչպես նաեւ այն ձեռնարկությունների, որոնք չեն կատարում իրենց պարտավորությունները իրենց իսկ աշխատակիցների առջեւ: Աշխատանքային օրենսգրքի եւ ընդհանրապես մարդու աշխատանքի իրավունքի խախատումների վերաբերյալ գրանցվել է 108 բողոք»,-հայտարարել է նա: