Ռուսական ռազմական ավտոշարասյունը, որը հինգշաբթի օրը կանգնեցվել էր վրաց սահմանապահների կողմից Ախալքալաքից (Վրաստան) Գյումրի (Հայաստան) ուղեւորվելիս, ստացել է երթուղին շարունակելու թույլտվություն, հաղորդում է «Ինտերֆաքսը»: «Ռուսական ռազմական հրամանատարությունը ներկայացրել է փաստաթղթերը, որոնք հաստատում են, որ շարասյան մեջ ընթացող ռազմական մեքենաների վրա տեղադրված գնդացիրն ու ազդանշանային ատրճանակները տաբելային զենք են»,-պարզաբանել է վրացական սահմանապահ դեպարտամենտի պետի տեղակալ Կորնելի Սալիան: Հիշեցնենք, որ ավելի վաղ վրացի սահմանպահները կանգնեցրել էին ռուսական ռազմական տեխնիկաի շարասյունը, հայտարարելով, թե չհաշվառված զենք են հայտնաբերել եւ շարասյունը կանգնեցվել է իրավիճակը պարզելու նպատակով: