«Չենք լռելու»-ն ահազանգում է. 13-րդ դարի Խորանաշատ վանքը կործանվում է
«Չենք լռելու» երիտասարդական նախաձեռնությունն ահազանգում է, որ Տավուշի մարզում գտնվող 13-րդ դարի Խորանաշատ վանքը կործանման վտանգի տակ է, ինչի հիմնական պատճառն անտերությունն է: ՀՀ իշխանությունները չեն գիտակցում պատմական ժառանգությունը հաջորդ սերունդներին փոխանցելու կարևորությունը, իսկ Ամենայն Հայոց Կաթողիկոս Գարեգին Երկրորդը սարերում գտնվող վաքերի մասին հիշելու ժամանակ չունի: Նրան ավելի շատ հետաքրքրում է Երևանի Սայաթ-Նովա-Աբովյան փողոցների խաչմերուկում կառուցվող իր ապագա նստավայրը: «Չենք լռելու»-ի կողմից իրականացվող «Կեղծ արժեքներ» հատուկ նախագծի հերթական թողարկման մեջ ներկայացվում է Խորանաշատի տխուր ճակատագիրը՝ արդեն տխրահռչակ դարձած Երևանյան կաթողիկոսական նստավայրի կառուցման աշխատանքների ֆոնին, ասվում է նախաձեռնության հայտարարության մեջ:
