Ա. Բաղդասարյանը հույս ունի, որ Carrefour ընկերությունն այս տարի կմտնի հայկական շուկա
Հայաստանյան շուկա հայտնի Carrefour ֆրանսիական hիպերմարկետների ցանցի մուտքի վերաբերյալ այսօր իր կարծիքը հայտնեց Ազգային անվտանգության խորհրդի քարտուղար Արթուր Բաղդասարյանը:
«Քարֆուրը պետք է անպայման մտնի հայկական շուկա: Սա շատ հնարավորություններ կբացի մեր առջև, և հայ արտադրողներն էլ կկարողանան դուրս գալ միջազգային շուկա»,- ասաց Բաղդասարյանը:
Նա կարծում է, որ այս տարի ընկերությունը կմտնի հայկական շուկա. «Մենք պետք է կատարենք տնտեսության ազատականացում, մենաշնորհի թուլացում, ազատ շուկայական մրցակցություն»:
Ըստ Բաղդասարյանի, «Օրինաց երկիրը» օրենքի նախագիծ է մշակել և ներկայացրել վարչապետին, ըստ որի, Հայաստանում պետք է քչացվեն մեծ սուպերմարկետների թիվը, որեպսզի մանր ու միջին բիզնեսը չվերանա: Նա հույս հայտնեցմ որ այս տարի այդ օրենքը կընդունվի:
