Այսօր Մոսկվայում մեկնարկել է Եվրոպայի Խորհրդի երկրների մշակույթի նախարարների 10-րդ համաժողովը, որին մասնակցում է ՀՀ մշակույթի նախարարի պաշտոնակատար Հասմիկ Պողոսյանը:
Համաժողովը կանցկացվի «Կառավարությունների դերը, նոր մարտահրավերները և հնարավորությունները», «Մշակութային քաղաքականության լավագույն փորձն ու նորարարական մեթոդները», «ԵԽ հեռանկարներն այլ կազմակերպությունների հետ համագործակցության համատեքստում» երեք նստաշրջանների ձևաչափով:
Համաժողովին մասնակցում են Եվրոպայի Խորհրդի 40 երկրի պատվիրակություն: Քննարկումների ընթացքում առանձնակի ուշադրության կարժանանան ժողովրդավարական կառավարման կայունացման տեսանկյունից ԵԽ դերակատարության խնդիրները, կմշակվեն հեռանկարային նոր ծրագրեր, ինչպես նաև կքննարկվեն Եվրոպայի Խորհուրդ - ՅՈՒՆԵՍԿՕ, Եվրամիություն - միջազգային այլ կառույցներ համագործակցության հարցեր:
Համաժողովը կշարունակվի նաև վաղը:
