1992-ի հունվարի 9-ին ԼՂՀ Գերագույն խորհրդի առաջին նախագահ ընտրվեց Արթուր Մկրտչյանը, ով հունվարի 10-ին արդեն ստանձնեց ԳԽ նախագահի պարտականությունները: Նա ծնվել էր 1957-ին, Հադրութի շրջանի Էդիլլու գյուղում: 1976-ին ավարտելուվ գյուղի միջնակարգ դպրոցը, ընդունվել Երևանի պետական համալսարանի պատմական ֆակուլտետ: Սովորել է Մոսկվայի Մ. Մակլայի անվան ազգագրության ինստիտուտի ասպիրանտուրայում: 1981-83թթ. աշխատել է Հայաստանի ազգագրության պետական թանգարանում, ապա 1986-ին տեղափոխվել ծննդավայր և աշխատել, որպես Հադրութի պատմա-երկրագիտական թանգարանի տնօրեն: 1988-ին պաշտպանել է թեկնածուական թեզն ու ստացել պատմության գիտությունների թեկնածուի աստիճան: Մասնակցել է Հադրութի շրջանի հայկական գյուղերի ազատագրման կռիվներին: Արթուր Մկրտչյանը ՀՅԴ անդամ էր:

Ղարաբաղյան շարժման հերոս Արթուր Մկրտչյանը զոհվել 1992-ի ապրիլի 14-ին: Նա սպանվեց չպարզված հանգամանքներում: Ըստ պաշտոնական վարկածի, մահացավ զենքի հետ անզգույշ վարվելու արդյունքում, ինչն առնվազն տարօրինակ է զենքին լավ տիրապետող մարդու համար: Հադրութում մինչ օրս համարում են, որ Մկրտչյանը զոհվեց դավադիր գնդակից: