Պորտուգալիայում ՀՀ դեսպան Ռուբեն Շուգարյանը իր հավատարմագրերն է հանձնել Պորտուգալիայի նախագահ Անիբալ Կավակո Սիլվային: Տեղի ունեցած զրույցների ընթացքում ՀՀ դեսպանը եւ Պորտուգալիայի նախագահն անդրադարձել են Հայաստանին, տարածաշրջանին, Եվրոպական հարեւանության քաղաքականության շրջանակներում Հայաստանի ինտեգրմանը, հայ-թուրքական հարաբերություններին եւ Լեռնային Ղարաբաղի խնդրի շուրջ բանակցությունների ներկա փուլին եւ ընթացքին: Ավելի վաղ Պորտուգալիայում Հայաստանի դեսպան Ռուբեն Շուգարյանը հանդիպել է Պորտուգալիայի ԱԳՆ ներկայացուցչի եւ Գյուլբենկյանի հիմնադրամի խորհրդի ղեկավար Էմիլիո Ռույ Վիլարիի հետ, հաղորդում է ՀՀ ԱԳՆ մամլո ծառայությունը: