Սիրիայում և Իրաքում կռվող «Իսլամական պետության» գրոհայինները տարածել են 26-ամյա ամերիկացի Փիթեր Քեսիգի մահապատժի տեսագրությունը:

Քեսիգը, որն աշխատում էր հումանիտար առաքելությունում, գերի է վերցվել Սիրիայում մոտ մեկ տարի առաջ: Ասվում էր, որ գերության մեջ նա իսլամ է ընդունել և վերցրել է Աբդուլ Ռահման անունը, սակայն դա նրան չի փրկել: ԱՄՆ նախագահ Օբաման հաստատել է պատանդի մահը: «Այսօր մենք մեր աղոթքներն հղումու ցավակցությունն ենք հայտնում Աբդուլ Ռահման Քեսիգի, որը հայտնի է նաև որպես Փիթեր, հարազատներին ու մերձավորներին»,-հայտարարել է նա:

Ջիհադականները մոտ մեկ ամիս առաջ էին սպառնացել սպանել Քեսիգին, երբ հրապարակվել էր բրիտանացի պատանդ Աման Հեննինգի գլխատման տեսագրությունը: Սակայն, ինչպես նշում է BBC-ին, Քեսիգի սպանության տեսագրությունը տարբերվում է նախորդներից մի շարք առանձնահատկություններով: Տեսագրության մեջ տեսանելի են սպանության մասնակիցներից շատերի դեմքերը, երևում է, որ այն կատարվում է սիրիական Հալեպի գավառի Դաբիղ բնակավայրի մոտ: Սակայն տեսանելի չէ սպանության պահը: Եվ ջիհադականներն այս անգամ չեն ցուցադրում արևմտյան մեկ այլ պատանդի, ում սպառնում են սպանել հաջորդը:

Իսլամիստները գլխատել են նաև սիրիական բանակի չորս զինվորների: Տեսագրության մեջ նրանցից մեկը, դիմելով Օբամային, անվանում է նրան «Հռոմի շուն» և սպառնում շուտով սկսել մարդկանց սպանել եվրոպական քաղաքների փողոցներում, գրում է Daily Mail-ը:

Ընդ որում, ինքն Օբաման ավստրալական Բրիսբենում «Մեծ քսանյակի» գագաթնաժողովում հայտարարեց, որ ԱՄՆ-ն մտադիր չէ համագործակցել Ասադի հետ ԻՊ դեմ պայքարում: Ըստ նրա, Սիրիայի նախագահը լիովին կորցրել է իր օրինականությունը երկրի մեծ մասում: «Ուստի նրա հետ ԱՄՆ ցանկացած գործողություն ԻՊ դեմ կհանգեցնի նրան, որ սիրիացի սունիների մեծ մասը գրոհայինների կողմը կանցնի և կթուլացնի մեր կոալիցիան»,-ասել է նա, հայտնում է ՌԻԱ Նովոստի գործակալությունը: