Մոլդավիայի նախագահ Վլադիմիր Վորոնինը Հայաստանի նախագահ Ռոբերտ Քոչարյանին շնորհավորական հեռագիր է ուղարկել երկրի Անկախության օրվա կապակցությամբ: Շնորհավորական ուղերձում ասվում է. «Թույլ տվեք անկեղծորեն եւ սրտանց շնորհավորել Ձեզ ազգային տոնի` Հայաստանի Հանրապետության Անկախության օրվա կապակցությամբ: Համոզված եմ, որ մեր երկրների ավանդական բարեկամական եւ երկստեք շահավետ հարաբերությունները կշարունակվեն եւ կամրապնդվեն` ի բարորություն Մոլդավիայի եւ Հայաստանի ժողովուրդների»:

Մոլդավիայի նախագահը Ռ. Քոչարյանին ամուր առողջություն եւ հաջողություն է ցանկացել, իսկ ողջ հայ ժողովրդին խաղաղություն, բարեկեցություն եւ ծաղկում է մաղթել, հայտնում է ՌԻԱ «Նովոտսին»: